| orbis moonwalker 上年已經想參加, 但因為額滿參加唔到 今年一早就叫齊班莊友、大學同學、同事一齊 join 初時都有d驚大家三唔識七會有d odd, 所以安排左先起一間有board games 玩既 cafe 度 warm up, 食下飯, 玩下games, 由七點半留到十點半, 玩左 UNO, Pictionary同 I am the boss, 氣氛都幾好, 而且平均都只係 $78 一位, 都幾抵 then出發去旺角花墟起步點, 起地鐵站已經見到人山人海 原來今年既盲俠行參加人數竟然有 8000 人 一去到, 每人收到 一份地圖、一支水、一個眼罩同埋一堆眼睛貼紙、一d可以印起皮膚既盲俠行logo、一包濕紙巾、一包得力素糖、一個照出黎有人影既電筒仔 etc. 好似參加豪華團甘 之後等出發, 由23:40企起度等, 等到00:40先出到個球場既門口 好似唔係行左好耐, 就到達第一個補給站, 有水可以 refill, 有印仔要給, 仲有 cuppacino蜜提莎派! 行下行下, 去到九龍城寨公園, 我地要兩人一組戴上眼罩行過公園入面既小徑 我同dick一組, 行左唔夠5分鐘就交換角色 雖然知道冇乜危險, 但唔知點解總係覺得唔知身邊既環境係點, 行得超慢 到 dick 蒙眼既時候, 我見到 d 人竟然行路行到同冇蒙眼冇分別, 行得超快 到彩虹站既時候, 第一次見到地鐵站拉左閘個樣, 忍唔住停低影一影相先 影完相, 意外地收到orbis既sms, 話第一個盲俠已經到左 ???!!!! 跑去架咩...... 回頭望一望既時候, 嘩, d人開始閃人, 搭通宵van, 截的士 etc etc 我 d 同事既 team, 走淨 5個 ^^" then 開始上斜行上山, 我地一路行一路玩結尾估、估IQ題、影下相 本黎都開始眼瞓, 突然見到沿路有個路牌、寫住「前面有性感啦啦隊為你打氣、加油」 我地就四圍揾, 結果發現所謂既性感啦啦隊原來係.......haaa 地圖上顯示, 有個地方有個防毒面罩既 logo, 我地去到....嘩....好臭, 一陣屎味, 急急腳行過 沿途既補給站, 每一個都有野派, 有薄荷味 m & m 啦、dove朱古力、芝士餅乾、盲俠行既發光襟章 搞到個袋愈行愈 full, 行到中段直情想倒左 d 水乜都唔拎啦 最精彩既係後段 話說我地已經行到冇人講野, 又眼瞓又累 期間有人計算過我地甘既速度行到西貢應該睇唔到日出 then有人企圖衝出重圍, 超越前面既人群, 但唔成功 於是我地一team人有一半就開始起條馬路邊跑! 到左中途站, 我地等埋另一半teammates就又開始扒頭 因為後面果一半 teammates之前畀我地大比數拋離, 去到中途站冇得休息 所以之後佢地直情行左去對面馬路度跑 就係甘樣 chur 左一粒鐘, 我地去到西貢碼頭既時候 6:15am, 岩岩好睇到日出 個天真係一層層甘光上去, 好靚, 簡直謀殺相機既memory 之後坐起樓梯級上面食 orbis 派既三文治, 個咸蛋黃先慢慢出黎 我地每人拎住 orbis派既cert, 影左張大合照, 之後就散水, 搭 orbis 安排既免費車去觀塘地鐵站 我地條 team 好有 team spirit, 畀左我地每一個 team member 一個 meaningful & unforgettable night! Thanks so much! |
